መልክዐ ስዕል (1/7)

Posted on
መልክዐ ስዕል

ምንተኑ አአሰየኪ እሴተ፣
በእንተ ኲሎ ዘገብርኪ ሊተ፣
ማርያም ሰናይት ዘታፍቅሪ ምሕረተ፣
ሶበሰ ትትአቀቢ ዘዚአዬ ኃጢአተ፣
እምኢኅየውኩ አሃተ ሰዓተ።

በሰላመ ገብርኤል መላክ ኦ እግዝእትዬ ፣
ማርያም ሰላም ለኪ፣
ድንግል በህሊናኪ ወድንግል በሥጋኪ ፣
እመ እግዚአብሔር ጸባኦት ሰላም ለኪ፣
ቡርክት አንቲ እምአንስት ወቡሩክ ፍሬ ከርሥኪ፣
ተፈስሂ ፍሥሕት ኦ ምልዕክተ ጸጋ እግዚአብሔር ምስሌኪ።
ይ.ካ ወካእበ ናስተበቊአ ለንግሥስተ ኩልነ ማርያም እምነ ወእሙ ለእግዚእነ ወመድኃኒነ ኢየሱስ ክርስቶስ ንሥዕል ወንሃሥሥ ናስተበቁእ ወንዌድስ ዕበየ ተአምሪሐ ብዙሃ ለእመ ጸባኦት ንጉሥ ። እለ ትንብሩ ተንስኡ ወእለ ታረምሙ አውስኡ ማርያምሃ በቃለ ስብሃት ጸውኡ ቁሙ ወአጽምኡ ተአምረ ድንግል ከመ ትስምዑ።
ይ.ዲ ጸልዩ ቅድመ ስዕላ ለቅድስት ድንግል መርአተ አብ ወእመ በግዑ
ይ.ሕ ቡርክት አንቲ ማርያም ሰናይት አንቲ ማርያም ወቡሩክ ፍሬ ከርሥኪ መድኃኔዓለም።
ይ.ካ ንዑ ንስግድ ወንግነይ ላቲ ንዑ ንትፈሳሕ ወንትሐሰይ ባቲ እስመ አምላክ ይእቲ ለድንግልናቲሃ ክልዔቲ ።ዛቲ ይኢቲ ትንቢቶሙ ለነቢያት ሞገሠ ስብከቶሙ ለሐዋርያት እሞሙ ለሰማእታት ወእህቶሙ ለመላእክት ። ላቲ ይደሉ ክብር ወስብሐት ወለወልዳ አምልኮት ወስግደት በምድር ወበሰማያት በባሕር ወበቀላያት ለዓለም ዓለም አ ሜ ን ።ይ.ካ እግዚኦ መሐረነ ክርስቶስ 3x
በእንተ ማርያም መሐረነ ክርስቶስ 3x
ሰአሊ ለነ ማርያም ምሕረተ ወልድኪ የሐውጸነ እም አርያም
ሰአሊ ለነ ማርያም ለእለ ሰዓቱ ተግባረ እደዊሁ ለወልድኪ ኢንጥፋእ በክንቱ ኵሎ መዓልተ ወኵሎ ሌሊተ ብዙኃ ኃጢአተ ዘገበርነ በእንተ ማርያም እምከ መሐሪ መሐረነ/ሥረይ ለነ አበሳነ /እግዚኦ አዕርፍለነ ነፍሳተ አግብርቲከ ወአዕማቲከ ኵሎሙ ክርስቶሳውያን

መልክዐ ስዕል (2/7)

Posted on
ይ.ካ ሃሌ ሉያ ለአብ ሃሌ ሉያ ለወልድ ሃሌ ሉያ ለመንፈሰ ቅዱስ ቦዓ መልአክ ሃቤሃ ወይቤላ ተፈስሒ ተፈስሒ ተፈስሒ ኦ ማርያም ምልዕተ ጸጋ
እግዚአብሔር ምስሌኪ
ቡርክት አንቲ እምአንስት
ወቡሩክ ፍሬ ከርስኪ
ተንብሊ ለነ (ሰአሊ ወጸልዪ)
ኀበ ፍቁር ወልድኪ
ኢየሱክርስቶስ
ከመ ይሥረይ ለነ ኃጣውኢነ ።
ይ.ሕ ተፈሥሂ ኦ ማርያም ምልእከተ ጸጋ ተፈሥሂ እስመ ረከቢ ሞገሰ ተፈሥሂ እግዚአሔር ምስሌኪ ይደልወኪ ፍስሃ እንበለ ሕጸጽ ወንትጋ አምላከ ሰማያዊ ዘወለድኪ በሥጋ።
ይ.ካ ሃሌ ሉያ ለአብ ሃሌ ሉያ ለወልድ ሃሌ ሉያ ለመንፈሰ ቅዱስ ቆመ ቅድሜሃ መልአክ ወይቤላ ተፈስሒ ተፈስሒ ተፈስሒ ኦ ማርያም ምልዕተ ጸጋ
እግዚአብሔር ምስሌኪ
ቡርክት አንቲ እም አንስት
ወቡሩክ ፈሬ ከርስኪ
ተንብሊ ለነ (ሰአሊ ወጸልዪ)
ኀበ ፍቁር ወልድኪ
ኢየሱክርስቶስ
ከመ ይሥረይ ለነ ኃጣውኢነ።
ይ.ሕ ተፈሥሒ ተፈስሒ ድንግል ተፈስሒ ሰናይት ኦ ማርያም ምልዕክተ ጸጋ ተፈሥሒ እስመ ረከብኪ ሞገሰ
ተፈሥሒ እግዚአብሔር ምስሌኪ ይደልወኪ ፍስሃ እንበለ ሕፀፅ ወንትጋ አምላከ ሰማያዊ ዘወለድኪ በሥጋ
ይ.ካ ሃሌ ሉያ ለአብ ሃሌ ሉያ ለወልድ ሃሌ ሉያ ለመንፈሰ ቅዱስ ቦዓ መልአክ ሃቤሃ ኩሎ ጊዜ እንበላ እጽርኦ በክብር ወይቤላ ተፈስሒ ተፈስሒ ተፈስሒ ኦ ማርያም ምልዕተ ጸጋ
እግዚአብሔር ምስሌኪ
ቡርክት አንቲ እም አንስት
ወቡሩክ ፈሬ ከርስኪ
ተንብሊ ለነ (ሰአሊ ወጸልዪ)
ኀበ ፍቁር ወልድኪ
ኢየሱክርስቶስ
ከመ ይሥረይ ለነ ኃጣውኢነ

መልክዐ ስዕል (3/7)

Posted on
ይ.ሕ ምልዕከተ ጸጋ ተፈስሒ እግዚአብሔር ምስሌኪ ሰላማዊት ሰላም ለኪ መንፈሳዊት ርግብ ወንስግድ ለኪ ማርያም በሥጋ እሳተ መለኮት ዘዖርኪ መንፈስ ቅዱስ ጸለለኪ ወኃይለ ልዑል አጽንአኪ ድንግል በህሊናኪ ወድንግል በሥጋኪ።

ይ.ካ ኦ ረኅሩኃነ ልቡና አፍቅሮተሰብ ልማድክሙ ፣
በጥቡዕ ልብ ንስእለክሙ፣
ስሉስ ቅዱስ ምሕረትክሙ አዝንሙ፣
ክሳደ ጸርነ በስይፍክሙ ግዝሙ፣
ወዲበ ርእሰነ ዓዲ እዴክሙ ሲሙ።
መልክአ ስእል

1 ኦ ርሕሪተ ሕሊና አፍቅሮተ ሰብ ልማዳ ፣
ሰአሊተ ምሕረት ይእቲ ማርያም ሐጹረ መስቀል ዘየአውዳ፣
ንትቀበላ ንዑ ለወለተ ዳዊት ዘይሁዳ፣
መጻት ነዋ ኅቡረ ምስለ ወልዳ፣
ናንፈርጽ ቅድመ ስዕላ እንዘ ንሁብ ጋዳ፣
ለእለጌሰሙ ትመስል እንግዳ።

2 ኦ ርሕሪተ ሕሊና ዘሕገ ልማዳ ምሕረት፣
ለ ኲሎ ፍጥረት ፣
ንሳለማ ንዑ ለሥዕለ ማርያም ቡርክት፣
ወልስዕለ ወልዳ ጸባኦት ፣
ወለስዕል ጊዮርጊስ ሰማዕት፣
ሥዕለ ሚካኤል ወገብርኤል ወሩፋኤል ዘራማ ኃይላት ።

3 ኦ ርሕሪተ ሕሊና ፍቅርኪ ያነድድ አማዑተ ፣
ከዊኖ እሣተ፣
ንጸሐ ድንግልናኪሰ እንተ ኢያእመረ ርሰአተ፣
ማርያም ግበሪ ሰናያተ ኲሎ ዕለተ፣
ሞትሰ ድልወ ሊተ ባሕቱ ለንሥሐ ጽንሕኒ ንስቲተ።

4 ኦ ርሕሪተ ሕሊና ለአግዚአብሔር አስከሬኑ፣
እንተ ኢያወአየኪ እሣተ ርእስኑ፣
መሐረኒ ድንግል ወተሠሃለኒ በበዘመኑ፣
ለእመ መሐርክኒ እግዝእትየ ዘይኴንነኒ መኑ፣
ኩናኔ ሥጋ ወነፍስ ወልድኪ አኮኑ።

መልክዐ ስዕል (4/7)

Posted on
5 ኦ ርሕሪተ ሕሊና እንተ ኤልያስ ደመና ፣
ወለት ኢያቄም ወሐና፣
ማርያም ዑጽፍት ወኁብርት በቅድስና፣
ሶበ ነጸረኪ ሙሴ በሲና፣
ኅትምት በድንግልና አልባቲ ሙስና ።

6 ተአምርኪ ብዙህ ዘአልቦ ፍጻሜ፣
በርህበ ዓለም ሰፈነ አምሳለ ደመና ወጊሜ፣
ማርያም ድንግል ደብተራ ጳውሎስ ዘብሔረ ሮሜ፣
ተማሕጸንኩ በሕጻንኪ ዘአዘለቶ ሶሎሜ፣
እንበለ ንስሃ ኢይሙት ወስክኒ እድሜ።

7 ቅድመ ስዕልኪ እሰግድ ወአስተበርክ ክሡተ፣
ቀደም ማኅበራንኪ እሉ አንዘ እቀውም ድርገተ፣
ፈጻሚተ መፍቅድ ማርያም እስዕለኪ ስዕለተ፣
ጸግውኒ እግዝእትዬ ለዓለመ ዓለም ሕይወተ፣
እም እደ ኩያን አጽራርዬ አድኅንኒ ሊተ።

8 ቅድመ ስዕልኪ እሰግድ ወለ ስዕለ ወልድኪ እገኒ፣
ማርያም ድንግል ማርያም እመ አዶኒ ፣
ማዕበለ ጌጋይ ጽኑዕ ሶበ ላአስጥሞ በጽሐኒ፣
ሐመርየኒ ማዕዶትየኒ ሃይማኖትየኒ፣
ማርያም ዘእንቤለኪ አልብየ ምንትኒ።

9 ሰላም ለስዕልኪ ዘይኤድም ለንጻሬ፣
ዓዲ ሰላም ወለስዕለ ወልድኪ በኁባሬ ፣
አክሊለ ሲመቱ ለጴጥሮስ ማርያም
እንተ ትጼድሊ እምውራውሬ፣
ለተአምርኪ ባቊዕ ሶበ ናቄርብ ዝማሬ፣
ክድንኒ ለአግብርትኪ ሣሕለኪ ጶደሬ።

10 ሰላም ለስዕልኪ መዓዛ ቅዳሴ ዘቦቱ፣
ወለስዕለ ወልድኪ ሰላም ዘያስቴፈስህ ስነ ርዕየቱ፣
ለሐዋርያው እንድርያስ ቀዳማዊ ማርያም ሃይማኖቱ፣
ናሁ ገደፍኩ ሕይወትዬ ቅድመ ተአምርኪ ዝንቱ፣
ዓለሙኒ ኃላፊ ንብረቱኒ ኃላፊ እስመ ኲሎ ኃላፊ ውእቱ።

መልክዐ ስዕል (5/7)

Posted on
11 ሰላም ለስዕልኪ ዘክንፈ መላዕክት ምጽላሉ፣
ወጸዳለ ክርስቶስ ስነ ጸዳሉ፣
እመ ያዕቆብ በጸጋ ማርያም እግዝእትነ ኵሎ፣
ናሁ አግብርትኪ በቃለ ማኅሌት ይብሉ፣
ስብሐት ወክብር ወሰጊድ ለመንግሥትኪ ይደሉ።

12 ሰላም ለስዕልኪ ወለስዕለ ወልድኪ ዘሰዐሞ፣
ዮሐንስ ርኄ ዮሐንስ ቀናንሞ፣
ለዝ ወልድኪ መሐሪ ኅሩመ በቀል ወተቀይሞ፣
ማርያም ኀበኒ በእዴኪ እንዘ ተጼውኢ ስሞ፣
ሥጋሁ ቅዱሰ ወክቡረ ደሞ።

13 ሰላም ለስዕልኪ ወለስዕለ ወልድኪ በመትሎ፣
እንተ ነገደ ወሖረ መንገለ አቃርዮስ ዘሀሎ፣
ኀበ ዝ ወልድኪ ፈጣሪ ናትናኤል ዘይትዌከሎ፣
ከመ የኀበኒ ጽድቆ ወይጸግወኒ ሣህሎ፣
ድንግል በእንቲአየ አብዝኅኒ ትንብሎ።

14 ሰላም ለስዕልኪ ሐፈ ማኅየዌ፣
በጸዴንያ ወግብፅ ዘአውኀዘት በኢህሣዌ፣
ለመጸብሐዊ ማቴዎስ ማርያም እንተ ረሰይክዮ ወንጌላዌ፣
ይኩነኒ ወትረ ጸሎትኪ እምዘመነ ኲሎ ምንሳዌ፣
ዐቃቤ ዘመዓልት ወዘሌሊት ሃላዌ።

15 ሰላም ለስዕልኪ ሶበ ጸለየት ማርታ፣
አጽኒና ርዕሳ ከመ ትትመጠው ስዕለታ፣
ምክሐ ታዴዎስ አንቲ ማርያም ወሞገሰ ቶማ ስሙዬ መንታ፣
አመ ኢትአድኅን እም ወለታ ፣ወአመ ታገብ ምድረ ማሕጸንታ፣
ኩንኒ ለመዋቲ ሀገፋ ወወልታ።

16 ሰጊድ ወአምኃ ይደሎ ለስዕልኪ፣
ወስዕለ ክርስቶስ ወልድኪ ፣
ወይነ በርተሎሜዎስ አንቲ ማርያም ዘያስቴፍስህ ጣዕመ ፍቅርኪ፣
አንብርኒ ከመ ኅልቀት በውሳጤ ርኅሩኅ ልብኪ፣
ወከመ ማኅተብ ጹርኒ በመዘራእትኪ።

መልክዐ ስዕል (6/7)

Posted on
17 ሰላም ለስዕልኪ ዘመአድም ብርሃኑ፣
ወፍትው ሞገሰ ስኑ፣
ሃይማኖተ ፊሊጶስ አንቲ ማርያም ከመ ጳውሎስ ይእዜኑ፣
ሕማምኑ መጥባህትኑ ጻዕርኑ፣
አኅድጎ ፍቅርኪ ዘይኬልለኒ መኑ።
18 ሰላም ለስዕልኪ ቦ ጊዜ ዘትትናገር ፣
ወቦ ጊዜ ዘትክው ደመ ተአምር ፣
ማርያም ስብሕት ወውድስት እመ እግዚአብሔር፣
ለማትያስ ሙቍሕ ወለያዕቆብ ውጉር፣
እስመ አንቲ ሞገሶሙ በሰማይ ወበምድር።
19 በኢትዮጵያ ወግብፅ ወሶርያ በአንጾክያ ወሮም፣
ለስዕላትኪ ዘሀለዋ ማርያም ሰላም፣
ምስለ ኤጲስቆጶስ ያዕቆብ ዘኢየሩሳሌም፣
ይምጽኡ ኀቤነ ዘእምኀቤኪ ለባርኮትነ ዮም፣
ማርቆስ ዘአንበሣ ወሉቃስ ዘላሕም።
20 ሰላም ለስዕልኪ እንተ ሰዓላ በእዱ፣
ሉቃስ ጠቢብ እምወንጌላውያን አሐዱ፣
አመ ተቀብኡ ማርያም እምአፈ ስዕልኪ ቅብዐ ናርዱ፣
በሕማም እኩይ እለ ደወዩ ወውህዱ፣
ጽኡራነ ዓለም ጥዕዩ ወጥቀ ፈድፈዱ።
21 ሰላም ለስዕልኪ ወለስዕለ ወልድኪ አልፋ፣
ማርያም ዘኮንኪ ለኃጥአነ ምድር ተስፋ፣
እመቦ እምሰብእ ዘይሜንና ወዘይገድፋ፣
ለተአምርኪ ባቁዕ እንተ ደቅስዮስ ጸሐፋ፣
ውጉዘ ይኩን በቃሎሙ ለሳውል ወለኬፋ።
22 ተማህጸንኩ እግዝእትዬ ማርያም በመልከአ ስዕለኪ ዛቲ፣
እንዘ እሰግድ ቅድሜሃ ወእትጋነይ ላቲ፣
ማርያም ድንግል ማርያም ወለተ ማቲ ፣
ቤዛ ቤዛ ቤዛ ነፍሰ ኲሎ መዋቲ ፣
በሰማይኒ ወበምድር አንቲ።
ሰላም ሰላም ለመልክዐ ስዕልኪ ኲሎ፣
እምነ ፀሐይ ወወርኀ ዘያበርህ ሰነ ፀዳሉ፣
ወበእንተዝ ማርያም ስብሐተ ዚአኪ ይብሉ፣
እስመ አባልኪ እግዚአብሔር አባሉ፣
ማርያም በረከትኪ ምሴለነ የሃሉ።

መልክዐ ስዕል (6/7)

Posted on
ቅ -ተዓምር
፨፨ሃሌ ሉያ ሃሌ ሉያ ንስግድ ለአበ ብርሃናት ወለወልዱ ዋሕድ ወለመንፈስ ቅዱስ ጰራቅሊጦስ ስሉስ ሕሩይ።
፨፨ሰላም ለማርያም ንግሥት ወዐጸድ ዘበአማን ዘኢተገበርዋ ተረክበ አስካለ በረከት
፨፨ህየ ወልደ እግዚአብሔር ዘበአማን መጽአ ወተሰብአ ምኔሃ
ወወለደቶ ወአድኀነነ ወሰረየ ለነ ኃጣውኢነ።
፨፨ረከብኪ ጸጋ ኦ ድንግል እስመ ብዙኀን ተናገሩ ለክብርኪ እስመ ቃለአብ መጽአ ወተሰብአ እምኔኪ ።
፨፨ሃሌ ሉያ ንዑ ትነጽሩ ኀበ ዛቲ መርአት ዘሥርጉት ለእመ በግዕ ወውጽፍት በዝንቱ ስብሐት ዐቢይ በከመ ይቤ ወልደ ነጎድጓድ።
፨፨ዮሐንስ ድንግል ወንጹሕ የጸርሕ እንዘ ይብል እስመ አብርሃት ዛቲ መርዐት ፈድፋደ እምኮከበ ጽባሕ ።
ዛቲ ይእቲ ጸዮን ሐዳስ ሀገረ አምላክነ ዘኀደረ ላዕሌሃ ፍስሐ
ኵሎሙ ነቢያት ቅዱሳን ።
ዐይኑ ዘተገብረ ፈውሰ
እምቅድመ ትትወልዲ ድንግል እቤት ክህነት ወንግሥ
መድኃኒተ ዓለም ኮነ ደመ ጽጌኪ ክርስቶስ
እሰግድ ለተዓምርኪ በአብራከ ሥጋ ወነፍስ
በከመ ሰገደ ለወልድኪ ዮሐንስ በከርሰ